Google ADS

Vdes foshnja dymuajshe në Suharekë, policia hap rast “Vdekje e dyshimtë”

23:53 | 25 Maj 2023
K.B

Në ambulantën në Studençan të Suharekës sot është dërguar pa shenja jete një foshnje rreth dy muajshe.

Lajmin për Arbresh.info e ka konfirmuar zëdhënësi i policisë në Prizren, Shaqir Bytyqi.

Bytyqi tha se familjarët kanë deklaruar se foshnja deri në ditët e fundit ka qenë në QKUK në Prishtinë, sepse sipas tyre, ka qenë në gjendje të keqe shëndetësore.

“Sot me datë 25.05.2023 rreth orës 16:00 , në ambulantën në Studençan të Suharekës nga familjarët është dërguar një foshnje rreth 2 muajshe, në ambulantë foshnja është dërguar pa shenja jete. Familjarët deklarojnë se fëmija deri në ditët e fundit ka qenë në QKUK në Prishtinë, sepse ka qenë në gjendje të keqe shëndetësore”, deklaroi ai.

Policia ka hapur rast si “Vdekje e dyshimtë”.

“Pas mbledhjes së provave dhe dëshmive nga vendi i ngjarjes me urdhër të prokurorit trupi i pa jetë dërgohet në Institutin e Mjekësisë Ligjore në Prishtinë për egzaminim. Nga policia është hapur rast “Vdekje e dyshimtë”, tha Bytyqi.

 

Shpërndaje në rrjete sociale

Lajmet më të lexuara

Të ngjashme

Foto lajm